ياسا ناسان و پارێزەران  هۆکاری سەرەکین لە پاراستنی يەکسانی و  داد پەروەری ڕەخساندنی لەبار بۆ  سەقامگیری  لەکۆمەڵگا.

بەرەوپێشەوەچوونی کۆمەڵگە بەندە بە ڕێکخستنی ڕەوتی کارەکان بە شێوەيەکی راست و تەندروست ڕێچکەی خۆی بگرێت.

هەر لەوديدو ڕوانگەوە دەبێت هەموو تاکێکی کۆمەڵگە وەک ئەرکێک پێویستە  ئەرک و ماف و بەرپرسیارێتی خۆی بزانێت  چییە. ئێمەش لە هەمان ڕوانگەوە  جگە لە پیشەیی بوونمان لە یاسایی و پارێزەرایەتیدا ، ئەرکمان ڕێنماییکردن و هۆشیارکردنەوەی کۆمەڵگەيە و ئاشناکردنیانە بە بنەما دەستوری و یاساکانی وڵات کە  یەکێکە لە بنەماکانی کارکردنی ئەلبەرزنجی .

ئەلبەرزنجی لەسۆنگەی هەستکردن بە بەرپرسیارێتییەوە  لەپێناو باشتر بوونی دۆخی وڵات و لەژێر ڕۆشنایی دیدگای دەوڵەت کاردەکات لەڕێگەی پێشکەشکردنی چارەسەری یاسایی و پلانی ستراتیجی ، لەکاتی بوونی هەر کێشەیەک و بۆشاییەکی یاسایی و دەستووری لە گشت کایەکانی حکومی  و کەرتی تایبەت لە ئاستی ناوەخۆ و دەرەوە بە ستافی لێهاتوو و ڕاوێژکار و شارەزای بواری یاسایی و ئابوری و دارایی و ئەندازیاری یەوە  چارەسەری کێشەکان دەکات ئەگەر سەرهەڵبدات .

ئەرکی سەرەکی ئەلبەرزنجی بریتیە لە داکۆکیکردنی  سەرسەختانە و بەردەوامبوونی  لەخاوەن ماف  و بەدەست هێنانی متمانە و پێدانی هەستی دڵنیایی بە بریکاردار لەڕێگەی  پێشکەشکردنی خزمەتگوزاری یاسایی و نوێنەرایەتیکردنێکی ڕاستەقينە و جێگەی متمانە  ، هەروەها پارێزگاریکردن و گەڕاندەنەوەی بەرژەوەندیییەکانی بریکار بەوپەڕی دڵسۆزییەوە بە کورتترین و خێراترین ماوە .